Ads
ទម្លាប់ប្រចាំថ្ងៃងាយៗមួយចំនួនដែលអាចជួយឱ្យអ្នកមើលទៅក្មេងជាងវ័យ!!!

ទម្លាប់ប្រចាំថ្ងៃងាយៗមួយចំនួនដែលអាចជួយឱ្យអ្នកមើលទៅក្មេងជាងវ័យ!!!

មនុស្សយើងម្នាក់តែងតែមានបំណងប្រាថ្នាជាច្រើនដែលយើងស្ទើរតែរាប់មិនអស់ ក្នុងនោះក៏មានបំណងប្រាថ្នាមួយ ដែលជឿជាក់ថា គ្មាន់នរណាម្នាក់គិតរំលងឡើយ នោះគឺការប្រាថ្នាចង់បានសម្រស់ស្រស់ស្អាតក្មេងជាងវ័យ។ យើងម្នាក់ៗប្រាកដជាមិនចង់ឮពាក្យ ថាមុខចាសជាងអាយុនោះទេ វាស្តាប់ហាក់ដូចជាគួរអោយអស់សំណើច។ ប៉ុន្តែមានទំលាប់ប្រចាំថ្ងៃមួយចំនួន ដែលអ្នកអាចធ្វើបានងាយៗ  ហើយពិតជាធ្វើអោយអ្នកមើលទៅក្មេងជាងវ័យ។ ខាងក្រោមនេះជាចំណុចមួយចំនួនដើម្បីឱ្យអ្នកចាប់ផ្តើម!

១. គេងឱ្យបានគ្រប់គ្រាន់

ការសិក្សាមួយដែលត្រូវបានរៀបចំឡើងដោយក្រុមហ៊ុនថែរក្សាស្បែកដ៏ធំមួយ ឈ្មោះ Estée Lauder បានរកឃើញថា គុណភាពដំណេកមានផលប៉ះពាល់ដល់មុខងារស្បែក និងវ័យរបស់យើង។ ការសិក្សាបានបង្ហាញថាអ្នកគេងមិនគ្រប់បានបង្កើនសញ្ញានៃភាពចាស់របស់ស្បែក។

តាមការសិក្សាបានអោយដឹងថា វាចាំបាច់សម្រាប់មនុស្សពេញវ័យក្នុងការគេងយ៉ាងហោចណាស់ ៧ ម៉ោងក្នុងមួយយប់។ ប្រសិនបើអ្នកមិនទទួលបានការគេង យ៉ាងហោចណាស់ ៧ម៉ោងក្នុងមួយយប់ទេ អ្នកគួរតែធ្វើការកែតម្រូវ ដូច្នេះអ្នកនឹងអាចធ្វើបាន។

២. ផឹកទឹក

Drink water

រាងកាយរបស់យើងត្រូវបានបង្កើតឡើង ភាគច្រើនគឺជាទឹក ដោយវាមានទម្ងន់ពី ៧០% ទៅ ៧៥% នៃទំងន់រាងកាយរបស់យើង។ បើគ្មានទឹករាងកាយរបស់យើងមិនដំណើរការទេហើយវារាប់បញ្ចូលទាំងស្បែក និងសក់ដែលមានសុខភាពល្អផងដែរ។

វាមិនត្រឹងតែមានថាមពលសង្គ្រោះជីវិតនោះទេ វាថែមទាំងមានភាពអស្ចារ្យមួយទៀត ដែរ នោះគឺការធ្វើអោយអ្នកមានភាពវ័យក្មេង ជាពិសេសស្បែករបស់អ្នក។ ប្រសិនបើស្បែករបស់អ្នកមិនមានជាតិទឹកគ្រប់គ្រាន់ ស្បែករបស់អ្នកនឹងស្ងួត ហើយមិនងាយនឹងស្រូបយកសារធាតុចិញ្ចឹមផ្សេងៗនោះទេ។

យើងគួរផឹកទឹកអោយបាន យ៉ាងហោច ៨ កែវក្នុងមួយថ្ងៃ។ ទឹកក៏បានមកពីប្រភពផ្សេងៗទៀត ដូចជាផ្លែឈើ និងបន្លែផងដែរ។

៣. ធ្វើលំហាត់ប្រាណ

Exercise daily

មានវិធីជាច្រើនដែលលំហាត់ប្រាណប្រចាំថ្ងៃអាចធ្វើឱ្យអ្នកមើលទៅក្មេងជាងវ័យ។ ការធ្វើលំហាត់ប្រាណទៀងទាត់ជួយកែលម្អឥរិយាបថ ក៏ដូចជាអារម្មណ៍ និងដំណេករបស់អ្នក។ វាក៏ត្រូវបានបង្ហាញឱ្យថយចុះកោសិកាពីភាពចាស់ផងដែរ។

ហើយញើសដែលហូរចេញពីរន្ធញើសរបស់អ្នក នឹងធ្វើអោយស្បែករបស់អ្នកមានសុខភាពល្អ។

៤. បរិភោគបន្លែ

Eat your veggies

អ្នកប្រាកដជាបានដឹងរឿងនេះតាំងពីអ្នកនៅក្មេងមកម្លេះ បើទោះជាយ៉ាងនេះក៏ដោយវាមិនយឺតពេលទេក្នុងការចាប់ផ្តើមញ៉ាំបន្លែរបស់អ្នកអោយបានទៀងទាត់នោះ។

បន្លែពោរពេញទៅដោយសារធាតុចិញ្ចឹម ដូចជាសារធាតុប្រឆាំងអុកស៊ីតកម្ម ដែលប្រឆាំងនឹងជាតិពុលដែលបង្កគ្រោះថ្នាក់ដែលបំផ្លាញដល់ស្បែក និងសក់របស់អ្នក។ បន្លែជាច្រើនដូចជាការ៉ុត ល្ពៅ និងដំឡូងជ្វា មានសារធាតុបេតាការ៉ូទីន ខ្ពស់ដែលការពារពីកាំរស្មីព្រះអាទិត្យ និងរ៉ាឌីកាល់សេរី។

វីតាមីន C ក៏ជាវីតាមីនសំខាន់មួយដែលជួយផលិត កូឡាជែនហើយដើរតួជាអង់ទីអុកស៊ីដង់ផងដែរ។អាហារដែលមានបរិមាណវីតាមីន C ច្រើនគឺខាត់ណាខៀវ បន្លែស្លឹកបៃតងនិងម្ទេស។

៥. បរិភោគផ្លែឈើ


Don’t forget fruit

ភាគច្រើនដូចជា បន្លែ ផ្លែឈើក៏មានផ្ទុកសារធាតុប្រឆាំងអុកស៊ីតកម្ម រួមមានវីតាមីនសេ និងទឹក ដែលនឹងជួយធ្វើឱ្យស្បែក និងសក់របស់អ្នកមានភាពប្រសើរឡើងផងដែល ហើយធ្វើឱ្យអ្នកមើលទៅក្មេងជាងវ័យ។

ផ្លែឈើខ្លះដែលត្រូវបានគេសាកល្បងគឺផ្លែទទឹម ផ្លែឪឡឹក ប៉េងប៉ោះ ផ្លែប៊ឺរី និងក្រូច។ ទាំងអស់នេះបានផ្ទុកទៅដោយសារធាតុល្អៗ។

៦. ធ្វើសមាធិ

Meditate

ជាញឹកញាប់ដែលយើងទទួលបានភាពតានតឹងក្នុងជីវិត ដែលអាចបង្កអន្តរាយដល់រូបរាងរបស់យើង។ ស្ត្រេសត្រូវបានគេរកឃើញនៅក្នុងការសិក្សាជាច្រើន ដើម្បីបង្កការខូចខាតដល់ស្បែក។

ការធ្វើសមាធិគឺជាការអនុវត្តមួយ ដែលសំខាន់គឺផ្តោតអារម្មណ៍របស់អ្នកដើម្បីបំបាត់ភាពតានតឹងដែលមិនចាំបាច់។ មានវិធីជាច្រើនដើម្បីធ្វើសមាធិដែលអាចរាប់បញ្ចូលទាំងការស្វែងរកកន្លែងស្ងប់ស្ងាត់ ឬវាអាចត្រូវបានធ្វើអ្វីមួយដែលអ្នកស្រលាញ់ ដែលអ្នកកំពុងមាន ដែលពុំមានការព្រួយបារម្ភ។

៧. អានសៀវភៅ

Read

ការអានគឺជាវិធីមួយនៃការបញ្ជូនគំនិតរបស់អ្នកទៅកាន់ពិភពលោកមួយផ្សេងទៀតតាមរយៈការផ្តោតអារម្មណ៍ពេញលេញ - សូម្បីតែការធ្វើសមាធិ។ វាពិតជាអាចធ្វើអោយស្ថានភាពផ្លូវចិត្តរបស់អ្នកបានប្រសើរឡើង ជាហេតុធ្វើឱ្យប្រសើរឡើងនូវរូបរាងកាយរបស់អ្នកផងដែរ។

ការសិក្សាបានរកឃើញថាមនុស្សដែលមានអាយុលើសពី ៥០ ឆ្នាំដែលបានអាន ដល់ទៅ ៣ ម៉ោងកន្លះក្នុងមួយសប្តាហ៍គឺមានអត្រាស្លាប់តិចជាង ១៧ ភាគរយក្នុងរយៈពេល ១២ ឆ្នាំនៃការតាមដាន។ ហើយអ្នកដែលអានច្រើនជាងនេះបានបង្កើនអត្រានោះច្រើនជាង រហូតដល់ទៅ ២៣ ភាគរយ!

៨. បង្ហាញការដឹងគុណ

Show gratitude

ការសិក្សាជាបន្តបន្ទាប់លើមនុស្សគ្រប់វ័យដែលត្រូវបានបោះពុម្ពផ្សាយនៅក្នុងសៀវភៅចិត្តវិទ្យា បានរកឃើញថាអ្នកដែលបង្ហាញពីការដឹងគុណគឺជាមនុស្សដែលប្រកបដោយសុខភាពល្អ។

យ៉ាងណាមិញនៅពេលដែលអ្នកមានអំណរគុណចំពោះអ្វីដែលអ្នកមាន អ្នកទំនងជាមានទស្សនៈវិជ្ជមានចំពោះជីវិត។ នៅពេលដែលអ្នកមានភាពវិជ្ជមាន អ្នកនឹងធ្វើរឿងល្អៗ ដូចជាញ៉ាំអាហារដែលមានសុខភាពល្អ ហាត់ប្រាណឱ្យបានច្រើន និងគេងលក់ស្រួលជាងមុន ទាំងនេះហើយជាគ្រឿងផ្សំសំខាន់ៗសម្រាប់អ្នកដែលមើលទៅក្មេងជាងវ័យ។

សូមអរគុណចំពោះការគាំទ្ររបស់អ្នកអានទាំងអស់គ្នា សូមជួយចុច like និង Share ដើម្បីទទួលបានចំណេះដឹងថ្មីៗ ឬ ខំមិនចំពោះអ្វីដែលអ្នកទាំងអស់គ្នាយល់ឃើញចំពោះការបង្ហាញនេះ!

ប្រែសម្រួល៖ Crusher

ប្រភព៖ manukafeed