ការផ្ទុះឡើងនៃមេរោគកូរ៉ូណារបស់ប្រទេសអ៊ីតាលី អាចនឹងមានការបំផ្លិចបំផ្លាញខ្លាំងណាស់ ព្រោះវាមានចំនួនប្រជាជនច្រើនបែបនេះហើយមនុស្សចាស់ត្រូវរងគ្រោះ និងងាយឆ្លងខ្លាំងជាងក្មេងៗ។

<strong>ការសិក្សាដោយសាកលវិទ្យាល័យ Oxford បានបង្ហាញថាមនុស្សជាច្រើនជំនាន់រស់នៅក្រោមដំបូលតែមួយ ទើបបង្កើនល្បឿនលឿនក្នុងការរីករាលដាលនៃវីរុសនៅតាមជនបទ។</strong>

មនុស្សជាង ៣១.០០០ នាក់ ត្រូវបានគេធ្វើរោគវិនិច្ឆ័យឃើញថា មានផ្ទុកវីរុសនេះ នៅក្នុងប្រទេសដែលរងគ្រោះដោយវិបត្តិនេះ យ៉ាងហោចណាស់មានមនុស្សចំនួន ២៥០៣ នាក់បានស្លាប់ - អត្រាមរណភាពស្ទើរតែមួយក្នុងចំណោម ១២ នាក់។

ប្រទេសនេះមានប្រជាជនចាស់ជាងគេលំដាប់ទី ២ នៅលើពិភពលោក បន្ទាប់ពីប្រទេសជប៉ុន ២២ ភាគរយនៃប្រជាជនមានអាយុលើសពី ៦៥ ឆ្នាំហើយប្រជាជននៅក្នុងក្រុមនោះត្រូវបានគេដឹងថាទំនងជានឹងស្លាប់ប្រសិនបើឆ្លង។ ប៉ុន្តែវាអាចជាចលនារបស់យុវជនដែលបង្កគ្រោះមហន្តរាយ។

<img class="size-full wp-image-41655" src="https://www.knongsrok.com/wp-content/uploads/2020/03/26112866-8125457-image-a-9_1584527669006.jpg" alt="26112866 8125457 Image A 9_1584527669006" width="634" height="423" /> សូមចុចលើរូបភាពដើម្បីពង្រីករូបភាព

វាជារឿងធម្មតាសម្រាប់មនុស្សពេញវ័យ នៅតាមតំបន់ជនបទ ដើម្បីរស់នៅជាមួយឪពុកម្តាយ និងជីដូនជីតារបស់ពួកគេ ប៉ុន្តែភាគច្រើនគឺគេត្រូវធ្វើដំណើរទៅទីក្រុង ដើម្បីសិក្សា និងធ្វើការងារ។

អ្នកស្រាវជ្រាវ Oxford បាននិយាយថា ពួកគេប្រហែលជាបានឆ្លងវីរុសនេះ នៅពេលធ្វើដំណើរ និងនាំវាទៅផ្ទះដោយមិនបានដឹងថាពួកគេមានជំងឺនោះទេ។

ការសិក្សាមួយផ្សេងទៀតដែលត្រូវបានចេញផ្សាយក្នុងសប្តាហ៍នេះបានបង្ហាញថា ៨៦ ភាគរយនៃអ្នកជំងឺប្រហែលជាមិនដឹងថាពួកគេមានជំងឺនៅដំណាក់កាលដំបូងនៃការឆ្លង ទើបធ្វើឱ្យមានហានិភ័យខ្ពស់ក្នុងការរាលដាលដ៏សាហាវនេះ។

នាយករដ្ឋមន្រ្តី Boris Johnson បានទទូចដល់ប្រជាជន មិនឱ្យទៅសួរសុខទុក្ខសាច់ញាតិដែលឈឺ ឬចាស់ដូចដែលវិធានការដ៏គួរឱ្យកត់សម្គាល់របស់គាត់ដែលបានប្រកាសនៅសប្តាហ៍នេះដើម្បីការពារចក្រភពអង់គ្លេស។

ការរាតត្បាតដ៏សាហាវរបស់ប្រទេសអ៊ីតាលី បានផ្តោតជាចំណុចសំខាន់នៅជុំវិញទីក្រុង Milan និងតំបន់ជនបទជាច្រើនទៀត ដែលនៅជុំវិញក្នុងខេត្ត Lombardy និង Veneto ។

ប្រទេសទាំងមូលកំពុងជាប់គាំង ហើយពលរដ្ឋទាំងអស់ត្រូវបានហាមឃាត់មិនឱ្យធ្វើដំណើរ និងជំរុញឱ្យចេញទៅក្រៅ ចំណែកឯភ្ញៀវទេសចរទាំងអស់ ក៏ត្រូវបានបញ្ជូនត្រឡប់ទៅវិញដែរ៕

<img class="size-full wp-image-41656" src="https://www.knongsrok.com/wp-content/uploads/2020/03/26113080-8125457-image-a-11_1584527731706.jpg" alt="26113080 8125457 Image A 11_1584527731706" width="634" height="423" /> សូមចុចលើរូបភាពដើម្បីពង្រីករូបភាព

<strong>អត្ថបទ ៖ DailyMail</strong>