អ៊ីតាលីបាននិយាយថា ៩៩ ភាគរយនៃមនុស្សដែលបានស្លាប់គឺ ព្រោះតែមានជំងឺផ្សេងទៀត មិនមែនព្រោះតែ វីរុសកូវីដ១៩នោះឡើយ
យោងតាមការស្រាវជ្រាវរបស់អាជ្ញាធរសុខភាពជាតិរបស់ប្រទេសអ៊ីតាលីបានឱ្យដឹងថា ជាង ៩៩ ភាគរយនៃអ្នកស្លាប់ដោយសារលារឆ្លងវីរុសនៃប្រទេសអ៊ីតាលី គឺដោយសារតែពួកគេបានទទួលរងពីស្ថានភាពសុខភាពមុនរួចទៅហើយ។
បន្ទាប់ពីការស្លាប់ដោយសារវីរុសបានកើនឡើងដល់ជាង ២៥០០ នាក់ ជាមួយនឹងការកើនឡើង ១៥០ ភាគរយ កាលពីសប្តាហ៍មុន អាជ្ញាធរសុខាភិបាលបាន និងកំពុងប្រមូលទិន្នន័យ ដើម្បីផ្តល់ជាតម្រុយជួយប្រយុទ្ធប្រឆាំងនឹងការរីករាលដាលនៃជំងឺនេះ។
កាសែតប្រចាំថ្ងៃរបស់ La Stampa បានរាយការណ៍នៅថ្ងៃពុធនេះថា រដ្ឋាភិបាលរបស់លោកនាយករដ្ឋមន្រ្តី Giuseppe Conte កំពុងធ្វើការវាយតម្លៃ ថាតើត្រូវពន្យារពេលការចាក់សោរទូទាំងប្រទេសលើសពីដើមខែមេសា ឬយ៉ាងណា? ប្រទេសអ៊ីតាលីមានករណីជំងឺច្រើនជាង ៣១.៥០០ ករណីហើយ។
ការសិក្សាថ្មីនេះអាចផ្តល់ការយល់ដឹងអំពីមូលហេតុដែលអត្រាមរណភាព របស់ប្រទេសអ៊ីតាលីប្រមាណ ៨ ភាគរយនៃអ្នកឆ្លងសរុប គឺខ្ពស់ជាងប្រទេសដទៃទៀត។
វិទ្យាស្ថានដែលមានមូលដ្ឋាននៅទីក្រុងរ៉ូម បានពិនិត្យមើលកំណត់ត្រាវេជ្ជសាស្ត្រប្រហែល ១៨ ភាគរយនៃអ្នកស្លាប់ដោយសារជំងឺឆ្លងមេរោគក្នុងប្រទេស ដោយរកឃើញថាមានតែជនរងគ្រោះ ៣ នាក់ ឬ ០,៨ ភាគរយនៃចំនួនសរុបប៉ុណ្ណោះដែលមិនមានរោគមុន។
ស្ទើរតែពាក់កណ្តាលនៃជនរងគ្រោះ បានទទួលរងពីជំងឺមុនយ៉ាងតិច ៣ ហើយប្រហែល 1/4 មានបញ្ហាពីមុនមកហើយ។
ច្រើនជាង ៧៥ ភាគរយ មានជំងឺលើសឈាមប្រហែល ៣៥ ភាគរយ មានជំងឺទឹកនោមផ្អែម និង 1/3 ទទួលរងពីជំងឺបេះដូង។
អាយុជាមធ្យមនៃអ្នកដែលបានស្លាប់ដោយសារវីរុសនៅអ៊ីតាលីគឺ ៧៩.៥ ។ គិតត្រឹមថ្ងៃទី ១៧ ខែមីនា មនុស្សចំនួន ១៧ នាក់ ដែលមានអាយុក្រោម ៥០ ឆ្នាំបានស្លាប់ដោយសារជំងឺនេះ។ ជនរងគ្រោះទាំងអស់របស់ប្រទេសអ៊ីតាលីអាយុក្រោម ៤០ ឆ្នាំ គឺជាបុរសដែលមានជំងឺធ្ងន់ធ្ងរជាងគេ៕
ព័ត៌មានថ្មីៗ
