អបអរផង! រូបភាពស្តែងៗបុរសខ្មែរទី១ ដែលឆ្លង Covid-19 មុនគេ បានជាសះស្បើយហើយដោយទទួលបានការអបអរជាខ្លាំង
កាលពីមួយរយៈមុន ប្រទេសកម្ពុជា បានរកឃើញថាមានបុរសខ្មែរដំបូងគេបានឆ្លងវីរុស Covid-19 ពិជនជាតិជប៉ុន ដោយដំណឹងនេះបានធ្វើឱ្យមហាជនមានការភ្ញាក់ផ្អើល និងភ័យខ្លាចផងដែរ តែអ្នកជំងឺត្រូវបានថែទាំព្យាបាលដាច់ដោយឡែកក្រោមការតាមដានពីគ្រូពេទ្យយ៉ាងយកចិត្តទុកដាក់។
សម្រាប់ថ្ងៃទី ៣០ ខែមីនា ឆ្នាំ ២០២០ ជារឿងមួយដ៏ត្រេកអរ ក្រសួងសុខាភិបាល និងរដ្ឋបាលខេត្តសៀមរាបបានប្រកាសជាផ្លូវការ បុរសជនជាតិខ្មែរ អាយុ៣៨ឆ្នាំ ដែលឆ្លងវីរុស Covid-19 ពីជនជាតិជប៉ុន ពេលនេះបានជាសះស្បើយហើយ ដោយការពិនិត្យតេស្តរកឃើញអវិជ្ជមាន ចំនួន ២ដង ជាប់ៗគ្នាក្នុងរយៈពេល ៤៨ម៉ោង។
គួរឱ្យដឹងផងដែរ មកទល់ម៉ោងនេះ បុរសជនជាតិខ្មែរដែលជាសះស្បើយមួយរូបនេះ បាននឹងកំពុងតែចាកចេញពីមន្ទីរពេទ្យខេត្តសៀមរាប នៅរសៀលថ្ងៃនេះហើយ ក្រោមការអបអរសាទរជាខ្លាំងពីប្រជាជនខេត្តសៀមរាប រួមទាំងក្រុមគ្រូពេទ្យព្យាបាលផងដែរ។
នេះពិតជាជោគជ័យមួយនៃក្រុមគ្រូពេទ្យទូទាំងប្រទេសកម្ពុជាយើង ដោយគិតត្រឹមថ្ងៃទី ៣០ ខែមីនា នេះ មានអ្នកផ្ទុកវីរុស Covid-19 ចំនួន ២៣ នាក់ហើយបានជាសះស្បើយ៕
ព័ត៌មានថ្មីៗ
