លោក Pikotaro គឺជាតារាកំប្លែងជប៉ុន ដ៏ល្បីមួយរូប និងជាម្ចាស់បទ PPAP ដែលល្បីខ្លាំងពេញពិភពលោក ថែមទាំងត្រូវបានសៀវភៅកំណត់ត្រាពិភពលោក Guinness World Records ប្រគល់លិខិតទទួលស្គាល់ កំឡុងក្នុងកម្មវិធីមួយក្នុងទីក្រុងតូក្យូ កាលពីថ្ងៃទី២៨ ខែតុលា ឆ្នាំ ២០១៦  សម្រាប់បទចម្រៀងដែលមានរយៈពេលខ្លីជាងគេ តែជោគជ័យខ្លាំង។

គិតមកទល់ពេលនេះ  ដោយសារវីរុស ​Covid-19  បាននឹងកំពុងតែរាលដាលខ្លាំង ​លោក Pikotaro ស្រាប់តែបានបញ្ចេញបទ ​PPAP version  ថ្មីឆ្នាំ  ២០២០ ​ជាមួយនឹងទំនុកភ្លេងដដែល ​តែបទចម្រៀងច្រៀងយ៉ាងខ្លីមួយឃ្លានេះបានបង្រៀនមនុស្សឱ្យចេះវិធីលាងដៃជាមួយសាប៊ូឱ្យបានត្រឹមត្រូវ ក្នុងន័យអប់រំមនុស្សទូទាំងពិភពលោកឱ្យរក្សាអនាម័យការពារពីវីរុស ​Covid-19  ។

បទចម្រៀង PPAP-2020 ដែលទើបតែបង្ហោះលើគណនី ​Chanel Youtube  ជាផ្លូវការ PIKOTARO  នៅក្នុងថ្ងៃទី ៤ ​ខែមេសា ​ឆ្នាំ ​២០២០  ប៉ុណ្ណោះ តែមានការ ​View  និងស៊ែរចែករំលែកជាច្រើន ​ដោយបទនេះមិនត្រឹមតែធ្វើឱ្យអ្នកទស្សនាស្រស់ស្រាយ ​តែក៏ជាការដាស់តឿនមនុស្សគ្រប់គ្នាឱ្យធ្វើអនាម័យសម្អាតដៃឱ្យបានញឹកញាប់ផងដែរ  ដើម្បីការពារការឆ្លងវីរុស ​Covid-19 ។

ដើម្បីជ្រាបច្បាស់សូមទស្សនាវីដេអូនេះទាំងអស់គ្នដូចខាងក្រោម ៖