មិននឹកស្មានសោះថា កាលពីទសវត្ស៨០ ថ្នាក់ដឹកនាំកូរ៉េខាងជើង បានឈូសកូនភ្នំកសាងព្រះរាជដំណាក់ថ្វាយព្រះករុណា ព្រះមហាវីរក្សត្រ ព្រះវររាជបិតាជាតិខ្មែរ ដែលនៅថែរក្សាគង់វង្សដល់បច្ចុប្បន្ន
នេះអាចជារឿងមួយដ៏ភ្ញាក់ផ្អើល និងស្ទើរតែគ្មានអ្នកដឹងនោះទេថា តាមរយៈប្រវត្តិសាស្ត្រ កូរ៉េខាងជើងធ្លាប់បានកសាងព្រះរាជដំណាក់មួយមានឈ្មោះថា ឆាង ស៊ូអ៊ុន ថ្វាយព្រះមហាវីរក្សត្រកម្ពុជានៃយើង ក្នុងសាធារណរដ្ឋ ប្រជាមានិត ប្រជាធិបតេយ្យកូរ៉េ (កូរ៉េខាងជើង) ។
ក្រោមតំរិះដ៏ខ្ពង់ខ្ពស់របស់ឯកឧត្ដមសេនាប្រមុខ គីម អុីលសុង អ្នកដឹកនាំដ៏ឆ្នេីមនៃប្រជាជាតិកូរ៉េ បានឈូសឆាយកូនភ្នំមួយ ហេីយកសាងព្រះរាជដំណាក់ ឆាង ស៊ូអ៊ុន ក្នុងទសវត្សទី៨០ ថ្វាយព្រះករុណា ព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ និងសម្តចព្រះមហាក្សត្រី ព្រះវររាជមាតាជាតិខ្មែរគង់ស្នាក់នៅ ទោះបីស្តេចមិនគង់នៅប្រទេសកូរ៉េក៏ដោយ ក៏ថ្នាក់ដឹកនាំកូរ៉េមិនអនុញ្ញាតជូនដល់ថ្នាក់ដឹកនាំជាតិ អន្តរជាតិឯទៀតស្នាក់នៅដែរ ហេីយមានការថែទាំយ៉ាងហ្មត់ចត់រហូតមកដល់បច្ចុប្បន្ននេះ។
នៅឆ្នាំ១៩៩១ ព្រះរាជដំណាក់ ឆាងស៊ូអ៊ុន ធ្លាប់បានទទួលការប្រជុំត្រីភាគីមាន សម្តេចឪ សម្តេចតេជោ ហ៊ុនសែន និងសម្តេច សឺន សាន ដេីម្បីរកដំណោះស្រាយនយោបាយបង្រួបបង្រួមជាតិ។
គួរឱ្យដឹងផងដែរថា នៅមុខព្រះរាជដំណាក់ ក៏មានបឹងធំមួយឈ្មោះថា បឹងសុភមង្គល សំរាប់ទុកទឹកប្រើប្រាស់បព្ចូានទៅស្រែរបស់ប្រជាជនដែលនៅជុំវិញតំបន់នោះផងដែរ ដែលពោរពេញទៅដោយទេសភាពស្រស់ស្អាតបែបធម្មជាតិ ស្ថិតនៅក្នុងទីក្រុងព្យុងយ៉ាង ប្រទេសកូរ៉េខាងជើង ៕
រក្សាសិទ្ធអត្ថបទ និងរូបភាព៖ លោកជំទាវ កែ គីមសែ
ព័ត៌មានថ្មីៗ
