ច្បាស់ការហើយ! ម៉ូតូ និងម៉ូតូកង់៣ឥណ្ឌា ដែលមានកម្លាំងម៉ាស៊ីនលើសពី ១២៥សេសេ មិនទាន់ផាកពិន័យទេ តែត្រូវប្រញាប់រួសរាន់ធ្វើបណ្ណបេីកបរឱ្យបានគ្រប់ៗគ្នា
ថ្មីៗនេះ ច្បាប់ចរាចរណ៍ជើងគោកថ្មី ត្រូវបានកែប្រែ និងបន្ថែមកាន់តែតឹងរឹងដើម្បីជួយពង្រឹងសុវត្ថិភាពចរាចរណ៍ឱ្យកាន់តែប្រសើរឡើង និងបង្ការគ្រោះថ្នកា់ចរាចរណ៍ផ្សេងៗ ដោយបានចាប់ផ្តើមធ្វើការផាកពិនិ័យតាមមាត្រានានាដែលបានចែងតាំងពីថ្ងៃទី ១ ខែឧសភា ឆ្នាំ ២០២០ នេះ។
នៅក្នុងនោះសម្រាប់ការបើកបរមិនថាតែឡាននោះទេ សូម្បីតែម៉ូតូក៏តម្រូវឱ្យមានបណ្ណបើកបរដែរ តែបើតាមក្រសួងសាធារណការ និងដឹកជញ្ជូន បានបញ្ជាក់ថា ចំពោះប្រជាពលរដ្ឋដែលប្រើប្រាស់ម៉ូតូ ដែលមានកម្លាំងសេះ ចាប់ពី១២៥សេសេចុះក្រោម មិនចាំបាច់តម្រូវឱ្យមានប័ណ្ណបើកបរប្រភេទ (ក)ទេ តែចំពោះអ្នកប្រើប្រាស់ម៉ូតូ មានកម្លាំងលើសពី១២៥សេសេ តម្រូវឲ្យមានប័ណ្ណបើកបរ។
ទោះជាយ៉ាងណា ឯកឧត្ដមនាយឧត្ដមសេនីយ៍ ហ៉ឹម យ៉ាន អគ្គស្នងការរងនគរបាលជាតិ ទទួលបន្ទុកការងារអនុវត្តន៍ច្បាប់ចរាចណ៍ បានឱ្យដឹងថា មន្ត្រីនគរបាលចរាចរណ៍ មិនទាន់ផាក ម្ចាស់ ម៉ូតូដែលមានកម្លាំងសេសលេីសពី ១២៥ សេសេ, ម៉ូតូរ៉ឺម៉ក ម៉ូតូកង់បីឥណ្ឌា ដែលមិនទាន់មានបណ្ណបេីកបរទេ ។ ប៉ុន្តែ ឯកឧត្ដមនាយឧត្ដមសេនីយ៍ ហ៉ឹម យ៉ាន បានសំណូមពរអោយ បងប្អូនប្រញាប់ទៅធ្វើបណ្ណបេីកបរបេីកបរអោយបានគ្រប់ៗគ្នា ព្រោះពេលខាងមុខ សមត្ថកិច្ចនឹងចាប់ផ្ដេីមផាកពិន័យហេីយ ។
បណ្ណបេីកបរបងប្អូនអាចទៅធ្វេីនៅមន្ទីរសាធារណការ និង ដឹកជញ្ជូន រាជធានី-ខេត្ត ដែលចំណាយតែ ៤១០០០ រៀល ប៉ុណ្ណោះ ប្រេីប្រាស់បានរហូត ១០ ឆ្នាំ ៕
ព័ត៌មានថ្មីៗ
