អ្នកនាង Angelina Jolie គឺជាតារាភាពយន្តហូលីវ៉ូតដ៏ល្បីល្បាញ និងធ្លាប់បានថតបង្ហាញម៉ូតឱ្យក្រុមហ៊ុន

ល្បីៗជាច្រើនសុទ្ធតែជាម៉ាកល្បីៗ។

តារាសម្តែងល្បី ដែលមាននិស្ស័យស្រលាញ់ទឹកដីប្រទេសកម្ពុជាយ៉ាងខ្លាំង ​រូបនេះបានស្គាល់ប្រទេសម្ពុជាដំបូងដោយមកថតសម្តែងនៅប្រទេសកម្ពុជាលើកដំបូងនៅក្នុងឆ្នាំ ​២០០០ រហូតបានទិញផ្ទះទិញដី ទទួលយកកូនកំព្រាខ្មែរទៅចិញ្ចឹមបីបាច់ ថែមទាំងទទួលបានសញ្ជាតិខ្មែរផងដែរ។

Angelina Jolie ក៏ធ្លាប់បានធ្វើឱ្យប្រទេសកម្ពុជាមានមុខមាត់ កិត្តិយស ​និងល្បីល្បាញនៅក្រៅប្រទេសជាខ្លាំងតាមរយៈការមកស្នាក់នៅ ដើរកម្សាន្ត ​រួមទាំងកម្មវិធីសប្បុរសជាច្រើន  ហើយពិសេសនោះនៅក្នុងអំឡុងឆ្នាំ ​២០១១ Angelina Jolie បានមកថតការផ្សាយពាណិជ្ជកម្ម កាបួបយូរដៃម៉ាក LV (Louis Vuitton) ជាមួយនឹងសំរស់ពីធម្មជាតិ ដោយដោះស្បែកជើង អង្គុយនៅលើទូក ស្ពាយកាបូបម៉ាក LV ដោយមិនមានការ Make up លាយលំជាមួយនិងទេសភាពព្រៃព្រឹក្សានិងភ្នំនៅពេលក្រោយ បានធើ្វអោយមានការទាក់ទាញពីអ្នកទស្សនាយ៉ាងខ្លំាង។

អ្វីដែលកាន់តែចាប់អារម្មណ៍ ​ថ្មីៗនេះគណនីហ្វេសប៊ុកជាផ្លូវការរបស់ ​LV  ស្រាប់តែបានបង្ហោះរូបភាពដែលអ្នកនាង Angelina Jolie ផ្សព្វផ្សាយម៉ាកកាបូបនេះជាថ្មីម្តងទៀត ​ធ្វើឱ្យផ្ទុះការចាប់អារម្មណ៍ជាថ្មីលើផលិតផលនេះ ​ជាពិសេសទិដ្ឋភាពស្រស់ស្អាតនៅក្នុងប្រទេសកម្ពុជាតែម្តង៕ សូមចុចទីនេះដើម្បីភ្ជាប់តំណលីងរបស់ Louis Vuitton

គួរឱ្យដឹងផងដែរថា  រូបថតផ្សាយពាណិជ្ជកម្មមួយនេះ ​ទទួលបានភាពល្បីល្បាញខ្លាំងមែនទែន ដោយបានផ្តិតទស្សនីយភាពនៅក្នុងខេត្តសៀមរាប និងថតដោយ Annie Leibovitz ៕