ចង់ឱ្យកូនៗទាំងអស់បានមើល! វីដេអូដ៏សែនក្តុកក្តួល ប្រជុំតារាល្បីៗនិយាយទៅកាន់អ្នកម្តាយ សម្រាប់ទិវារម្លឹកគុណអ្នកម្តាយដ៏ពិសេស (មានវីដេអូ)
អ្នកម្តាយ គឺជាអ្នកមានគុណមួយរូបដែលបានពរពោះ ចិញ្ចឹមបីបាច់ ថែរក្សា ផ្តល់ក្តីស្រលាញ់ និងលះបង់គ្រប់យ៉ាងសម្រាប់កូនៗគ្រប់គ្នា ពោលគឺជាក្តីស្រលាញ់ដ៏ធំធេងដែលគ្មានអ្វីប្រៀបស្មើបាន។ ហើយដោយសារតែម្តាយគ្រប់រូបនៅលើពិភពលោកសុទ្ធតែមានក្តីស្រលាញ់ និងគុណដ៏ធំធេងបែបនេះហើយ ពិភពលោកតែងតែប្រារព្វពិធីរម្លឹកគុណអ្នកម្តាយរាល់ឆ្នាំ ដោយជ្រើសយក រៀងរាល់ថ្ងៃអាទិត្យទី ២ នៃខែឧសភា (អាទិត្យទី២ នៃខែឧសភា) ដើម្បីរម្លឹកគុណម្តាយជាអន្តរជាតិ។
ដោយឡែកសម្រាប់ឆ្នាំនេះដែរ ពិធីរម្លឹកគុណអ្នកម្តាយ ដែលមានឈ្មោះជាផ្លូវការអន្តរជាតិថា Mother's day ត្រូវចំនឹងថ្ងៃអាទិត្យ ទី ១០ ខែឧសភា ឆ្នាំ ២០២០ ហើយក៏ជាថ្ងៃដ៏ពិសេសដែលកូនៗបានសម្តែងក្តីស្រលាញ់ដឹងគុណចំពោះម្តាយគ្រប់រូប ហេតុនេះហើយ ស្ទីឌីយោ G-Talent TheSeries បានផលិតវីដេអូដ៏មានអត្ថន័យមួយ ដោយបានអញ្ជើញតារាល្បីៗ រួមទាំងអ្នកមានអាជីពផ្សេងៗគ្នាដើម្បិធ្វើបទសម្ភាសដ៏ពិសេសមួយជាមួយប្រធានបទថ្ងៃ Mother's Day មួយនេះ។
វីដេអូដ៏មានន័យស្តែងពីអារម្មណ៍ និងក្តីស្រលាញ់ ដែលពួកគេចង់និយាយទៅកាន់ម្ដាយ ស្តាប់ហើយពិតក្តុកក្តួលខ្លាំងមែនទែន ដោយពួកគេបានរៀបរាប់ទាំងក្តីស្រលាញ់ អារម្មណ៍ដឹងខុស និងវិប្បដិសារីដែលធ្លាប់មានចំពោះម្តាយខ្លួនកន្លងមកទាំងអារម្មណ៍ក្តុកក្តួលរហូតស្រក់ទឹកភ្នែកទៀតផង។ សារទាំងនេះ បានក្លាយទៅជាមេរៀន និងបទពិសោធន៍មួយណែនាំឱ្យកូនៗគ្រប់រូបបានយល់ពិទឹកចិត្ត ក្តីស្រលាញ់ របស់អ្នកម្តាយ ជាពិសេសចង់ឱ្យកូនៗចេះស្រលាញ់មើលថែអ្នកម្តាយរបស់ខ្លួនឱ្យសមនឹងពាក្យខ្មែរមួយឃ្លាពោលថា « ធ្វើបុណ្យឱ្យទាន់ខែភ្លឺ »។
ដើម្បីឱ្យកាន់តែជ្រាបច្បាស់ សូមទស្សនាវីដេអូដ៏មានអត្ថន័យខាងក្រោមនេះ៖
ព័ត៌មានថ្មីៗ
