អីយ៉ាស្វីតរហូត! វ៉ៃហាំង លេង Surprised នំខួបដល់ផ្ទះ យូប៊ីន លេងសុទ្ធតែខេកបេះដូងទៀត
ដូចដែលយើងបានដឹងរួចមកហើយថា តារាសម្តែង លោក ខាត វ៉ៃហាំង និងកញ្ញា ស៊ីន យូប៊ីន គឺជាតារាសម្តែងល្បី និងសមត្ថភាពម្នាក់ ថែមទាំងជាដៃគូសម្តែងដ៏ស័ក្តិសម រហូតអ្នកគាំទ្រចង់ឱ្យក្លាយជាគូស្នេហ៍ពិតនៅខាងក្រៅផងដែរ។
ទោះបីជាសាមីខ្លួនមិនបានសារភាពថាជាចំណងស្នេហាឬយ៉ាងណា តែតារាសម្តែងល្បីទាំង២រូបមិនមែនបដិសេធឡើយថារវាងអ្នកទាំង២ ពិតជាមានភាពជិតស្និទ្ធនឹងគ្នាមែន ជាពិសេសកញ្ញា ស៊ីន យូប៊ីន តែងតែទទួលបានការយកចិត្តទុកដាក់ និងមើលថែ ពីបុរសសង្ហា វ៉ៃហាំង ជារឿយៗទាំងការងារ និងសកម្មភាពផ្ទាល់ខ្លួននៅខាងក្រៅទៀតផង។
កាន់តែពិសេសនៅថ្ងៃនេះផងដែរ ដែលគេដឹងថាជាថ្ងៃខួបកំណើតរបស់ កញ្ញា ស៊ីន យូបីន ស្រាប់តែលោក ខាត់វ៉ៃហាំង លេងយកនំខួបមក Surprised ដល់ផ្ទះកញ្ញា ស៊ីន យូប៊ីនតែម្តង មើលទៅផ្អែមល្អែមខ្លាំង អ្វីដែលធ្វើឱ្យអ្នកគាំទ្រត្រេកអរភ្ញាក់ផ្អើលនោះ លោក វ៉ៃហាំង លេងនំខេកសុទ្ធតែរូបបេះដូង ។
តើនេះអាចជាការបង្ហាញថាអ្នកទាំង២កំពុងតែមានទំនាក់ទំនងស្នេហានឹងគ្នា ឬយ៉ាងណា មានតែរង់ចាំទស្សនាបន្តទៅទៀត!
តោះ! មកទស្សនារូបភាពស្វីតៗខាងក្រោមនេះ ៖
ព័ត៌មានថ្មីៗ
