ទៀតហើយ! អតីតតារាកំប្លែងនាងខ្មឹប ត្រូវបានប៉ូលិសចាប់ខ្លួនជាមួយមនុស្ស៦នាក់ទៀត ពាក់ព័ន្ធនឹងករណីគ្រឿងញៀន
ប្រិយមិត្តជាច្រើនប្រាកដជាបានស្គាល់ហើយថា តារាកំប្លែងនាង ខ្មឹប ដែលត្រូវជាអតីតភរិយានាយ ហុងដា ធ្លាប់មានឈ្មោះល្បីល្បាញជាខ្លាំងនៅក្នុងពិភពសិល្ប៖កំប្លែង តែក្រោយពីធ្វើការលែងលះជាមួយនាយហុងដារួច នាង ខ្មឹប បានជួបប្រទះនឹងការខ្វះខាតជីវិភាពខ្លាំងមែនទែន រូបសម្រស់នាពេលបច្ចុប្បន្ននេះហាក់មើលលែងស្គាល់ហើយគឺថាប្រែប្រួលខ្លាំង ហាក់ជាមនុស្សម្នាក់ទៀត។
យ៉ាងណាមិញកន្លងមក អ្នកនាងខ្មឹប ក៏ធ្លាប់ត្រូវបានសមាគមសិល្បៈ និងសប្បុរសជនផ្តល់ជំនួយជាច្រើនទាំងលុយកាស និងការព្យាបាលនានា តែអ្វីកាន់តែភ្ញាក់ផ្អើល នាងខ្មឹប ពេលនេះបែរជាត្រូវសមត្ថកិច្ចធ្វើការចាប់ខ្លួនទាក់ទងនឹងបទល្មើសគ្រឿងញៀនទៅវិញ។
តាមប្រភបព័ត៌មានបានឱ្យដឹងថា នាល្ងាចថ្ងៃទី១៦ ខែឧសភា ឆ្នាំ២០២០ នេះអតីតតារាកំប្លែង នាង ខ្មឹប អតីតប្រពន្ធនាយ ហុងដា និង មនុស្ស៦នាក់ទៀត ត្រូវបានកម្លាំងនគរបាលខណ្ឌដូនពេញ ឃាត់ខ្លួនកាលពីល្ងាចថ្ងៃទី១៦ ខែឧសភា ឆ្នាំ២០២០ ពាក់ព័ន្ធករណីគ្រឿងញៀន នៅចំណុចបារ ចតុមុខ ផ្លូវជាតិលេខ៥ សង្កាត់ស្រះចក ទៀតផង៕
ព័ត៌មានថ្មីៗ
