ឃើញស្ងាត់ៗកុំថាអត់អី! រាលដាលសាហាវណាស់ Covid-19 ឆ្លងដល់កុលសម្ព័ន្ធព្រៃអាម៉ាហ្សូនហើយ
វីរុស Covid-19 មកទល់ពេលនេះហាក់បីដូចជាស្ងប់ស្ងាត់ និងថយចុះនៃការឆ្លងក៏ពិតមែន តែដរាបណាមិនទាន់មានវ៉ាក់សាំងការពារនោះទេ យើងក៏មិនអាចប្រហែលបានដែរ ពោលគឺត្រូវតែមានវិធានការការពារសុខភាពដូចដើម។
ដោយឡែកទោះប្រទេសមួយចំនួនបានទប់ស្កាត់ និងធ្វើឱ្យមានការធ្លាក់ចុះនៃការឆ្លង តែមកទល់ពេលនេះកាន់តែភ្ញាក់ផ្អើល វីរុសដ៏សាហាវនេះបានចាប់ផ្តើមរាលដាលឆ្លងនៅក្នុងសមាគមន៍ជនជាតិភាគតិច Waorani នៅក្នុងព្រៃអាម៉ាហ្សូនរបស់ប្រទេសអេក្វាទ័រហើយ នេះបើយោងតាមប្រភពព័ត៌មាន CNN ។
ដោយ ក្រសួងសុខាភិបាលរបស់ប្រទេសអាក្វាឌ័រ បានប្រកាសកាលពីថ្ងៃអាទិត្យថា ករណីដំបូងនៃជំងឺឆ្លងកូវីដ១៩ ត្រូវបានបញ្ជាក់នៅក្នុងសហគមន៍ជនជាតិដើមភាគតិច Waorani នៅក្នុងព្រៃអាម៉ាហ្សូនរបស់ប្រទេសនេះ គឺជាស្ត្រីមានផ្ទៃពោះអាយុ ៧ ឆ្នាំ ដែលបានចាប់ផ្តើមបង្ហាញរោគសញ្ញាទាក់ទងនឹងវីរុសនេះនៅដើមខែឧសភា ហើក៏កំពុងត្រូវបានគេដាក់ឱ្យនៅដាច់ដោយឡែក ក្នុងមន្ទីរពេទ្យមួយក្នុងរដ្ឋធានី Quito ។
ក្រោយពីបានបញ្ជូនអ្នកមានករណីដំបូងចេញពីតំបន់នេះ ក្រសួងសុខាភិបាល បានធ្វើតេស្ត អ្នកសង្ស័យពាក់ព័ន្ធនឹងអ្នកជំងែដើម្បីធ្វើតេស្តអ្នកផ្សេងទៀតដែលមានការសង្ស័យ និងធ្លាប់មានទំនាក់ទំនងជាមួយនឹងអ្នកជំងឺ។ យ៉ាងហោចណាស់មានមនុស្ស ៤០នាក់ត្រូវបានធ្វើតេស្ត និង៦នាក់មានការបង្ហាញពីរោគសញ្ញា៕
ប្រភព៖ CNN
ព័ត៌មានថ្មីៗ
