ខំអរថាបានស្បើយទៅហើយ! ស្រាប់តែប្រទេសថៃ បានដាក់ប្រទេសក្នុងភាពអាសន្នបន្ត រយៈពេល ១ខែទៀត
ប្រទេសថៃមួយរយៈធំដែលបានដាក់ប្រទេសក្នុងភាពអាសន្នដើម្បីបង្ការការរាលដាលនៃវីរុស Covid-19 កន្លងមក ការឆ្លងវីរុសនេះហាក់ថយខ្លាំង រហូតដល់គ្មានអ្នកឆ្លងថ្មីបន្តទៀត ដែលនេះជាសញ្ញាវិជ្ជមានបង្ហាញថាស្ថានការប្រទេសថៃអាចនឹងត្រលប់មកសភាពដើមវិញឆាប់ៗនេះ។
តែនៅថ្ងៃ ទី ២២ នេះ ស្រាប់តែរាជរដ្ឋាភិបាលថៃ បានប្រកាសថា ការដាក់ប្រទេសក្នុងគ្រាអាសន្នប្រឆាំងនឹង COVID-19 នឹងត្រូវអូសបន្លាយរយៈពេលមួយខែទៀត បើទោះជាករណីឆ្លងនៅក្នុងប្រទេស មានភាពធូរស្រាលក៏ដោយ។ ដោយព័ត៌មានពីការអូសបន្លាយពេលដាក់ប្រទេសក្នុងគ្រាអាសន្ន នឹងត្រូវបន្តសុពលភាព រហូតដល់ចុងខែមិថុនា បន្ទាប់ពីមានកិច្ចប្រជុំរបស់មជ្ឈមណ្ឌល សម្រាប់គ្រប់គ្រងស្ថានការណ៍ COVID-19 (CCSA) ហើយដែលដំបូងឡើយ វិធានការដាក់ប្រទេសក្នុងគ្រាអាសន្នរួមទាំងបំរាមគោចរ ដំបូងឡើយត្រូវផុតកំណត់នៅចុងខែឧសភានេះ ។
គួរបញ្ជាក់ផងដែរថា ទោះស្ថិតក្នុងភាពអាសន្ន តែមានការបន្ធូរបន្ថយវិធានការរឹតត្បិតប្រឆាំង COVID-19 ក្នុងនោះរួមមានគម្រោងកាត់បន្ថយ ពេលវេលានៃបំរាមគោចរ ឱ្យមកនៅត្រឹមចាប់ពីម៉ោង ១២៖០០នាទីរំលងអធ្រាត្រ ដល់ម៉ោង ៤៖០០នាទីទៀបភ្លឺ បើធៀបទៅនឹងបម្រាមគោចរបច្ចុប្បន្ន មានរយៈពេលចាប់ពីម៉ោង ១១៖០០នាទីយប់ដល់ម៉ោង ៤៖០០នាទីទៀបភ្លឺ៕
ប្រភព៖ Xinhua
ព័ត៌មានថ្មីៗ
