ទុរេន ១៥គីឡូ ថវិកា៦០ម៉ឺនរៀលផ្តល់ជូនក្មេង៣នាក់ដែលចាប់ខ្លួនព្រោះបេះទុរេនគេ ហើយឱ្យសងលុយដល់ទៅ១ពាន់ដុល្លារ តែនគរបាលខេត្តកំពតបដិសេធនៃការទាមទារសំណងនេះវិញ
កាលពីប៉ុន្មានថ្ងៃមុននេះ កវណីក្មេងប្រុស៣នាក់ លួចបេះទុរេនគេមួយផ្លែ តែត្រូវម្ចាស់តាមទាន់ចាប់ឱ្យប៉ូលីស ហើយទាមទារឱ្យសងសំណង ១០០០ដុល្លារ រួចសល់ត្រឹម ៥០០ដុល្លារ បានធ្វើឱ្យមហាជនមានការភ្ញាក់ផ្អើលជាខ្លាំង ដោយត្រឹមតែជាករណីលួចតិចតួចតែម្ចាស់ចម្ការមានការមិនយោគយល់ទៅវិញ។
តែយ៉ាងណាមកទល់ពេលនេះ ស្នងការនគរបាលខេត្តកំពត បានចេញមុខមកបញ្ជាក់លើគណនីហ្វេសប៊ុកហើយថា៖ « សូមជំរាបជូនសាធារណៈជនអោយបានជ្រាបថា មិនមានការសងប្រាក់ $ 500 ដល់ម្ចាស់ចំការធុរ៉េន ដែលក្មេងៗលួចបេះហូបមួយផ្លែនោះទេ។ បើសិនជាមានខ្ញុំជាអ្នកសងប្រាក់ទៅក្រុមគ្រួសារក្មេងនោះវិញ។ បងៗមិនមែនជាអ្នកធ្វើចំការ គឺមិនយល់នោះទេ ផ្លៃធុរ៉េនថ្លៃ មួយផ្លែខ្លះជិត ១០ មុឺនរៀលក៏មាន ខែដែលមិនសំបូរមួយគីឡូជិត ៤ មុឺនរៀលក៏មាន។ ម្ចាស់ចំការគាត់ត្រូវគេលួចច្រើនលើក ច្រើនសារ លើកនេះគាត់ទាន់ក៏គិតថាក្រុមក្មេងនេះជាអ្នកលួចកន្លងមក ទើបគាត់ទារសង។ ខ្ញុំសូមជំរាបជូនថាពាក្យថាលួចគឺវាខុសបាត់ទៅហើយ ក៏ប៉ុន្តែក្នុងនាមសមត្ថកិច្ចនៅពេលប្រជាពលរដ្ឋប្តឹងគឺយើងត្រូវធ្វើការសួរនាំជាមុនសិន។ ករណីគាត់បេះយកមួយផ្លែព្យុះសនកម្មមិនដល់ថ្នាក់ត្រូវជាប់ទោសនោះទេ ហេតុដូចច្នេះខ្ញុំបានអប់រំនិងអោយឪពុកម្តាយធានាយកទៅវិញ។ ពាក់ពន្ធ័ការទារសំណងគឺជាសិទ្ធរបស់ម្ចាស់ចំការ ក៏ប៉ុន្តែនៅពេលដែលយើងខ្ញុំពន្យល់ណែនាំគាត់ក៏ឈប់ទារសំណង ។ ដំណាំធុរ៉េនពិបាកថែរទាំណាស់ មិនមែនដូចដាំស្វាយ ដាំដូងនោះទេ»។
តែយ៉ាងណាមិញ បើតាមរយៈគណនីលោក ផែង វណ្ណៈ បានឱ្យដឹងថា៖ « នៅព្រឹកថ្ងៃទី ២៧ ខែ ឧសភា ឆ្នាំ ២០២០ ខ្ញុំបានប្រគល់ ទុរេន ចំនួន ១៥ គីឡូក្រាម និង ថវិកាមួយចំនួន ៦០ ម៉ឺនរៀល ជូនដល់ក្មួយៗ៣នាក់ ដែលឃ្លានទុរេនតែអត់លុយទិញបានលួចបេះផ្លែទុរេនគេ ១ផ្លែ ។ ក្មួយប្រុសម្នាក់ៗទទួលបាន ទុរេន ៥គីឡូក្រាម ថវិកា ២០ ម៉ឺនរៀល ។ តំណាងរបស់ខ្ញុំបានអប់រំ ណែនាំ បន្ថែមដល់ក្មួយៗទាំងបី ត្រូវកែប្រែខ្លួនអោយក្លាយជាក្មេងល្អ ហេីយត្រូវឈប់លួចគេតទៅទៀត ។
សកម្មភាពរបស់ខ្ញុំបាទមិនបានលេីកទឹកចិត្តចោរទេ តែជាសកម្មភាពមនុស្សធម៌ដែលបានធ្វើចំពោះជនក្រីក្រតែប៉ុណ្ណោះ» ។
ចុះប្រិយមិត្តយល់យ៉ាងណាដែរ?
ព័ត៌មានថ្មីៗ
