ស្នាដៃសៀវភៅប្រលោមលោកថ្មីមានឈ្មោះថា «កុមុទ» គឺជាប្រលោមលោកចំណីអារម្មណ៍ថ្មី សម្រាប់អ្នកដែលចូលចិត្តអានសៀវភៅប្រលោមលោក បែបស្នេហា អភិនីហារដ៏រន្ធត់  ជាមួយនឹងសាច់រឿងគួរឱ្យចាប់អារម្មណ៍។ សៀវភៅនេះដែរ ​គឺជាវណ្ណកម្មថ្មី ដែលជាស្នាដៃរបស់អ្នកនិពន្ធ ​អ្នកនាង ម៉ូលីណា ​និង ម៉ាក់  ស្រីនាថ ដោយមានការកែសម្រួលពីលោក ​ម៉ុង ​ម៉ានិត  ដែលជាតារាចម្រៀង និងជាអ្នកនិពន្ធល្បីផងដែរ។

សៀវភៅរឿង «កុមុទ» ដែលជាភាសាបាលីសំស្ក្រឹត បកប្រែថា  ផ្កាឈូកក្រហម ជាសាច់រឿងដែលនិយាយពីក្មេងស្រីដែលមានវិញ្ញាណពិសេស ដែលអាចនាំមនុស្សស្លាប់ឱ្យរស់ឡើងវិញ និង ប្រស់ជីវិតអមតៈ។ ក្នុងដំណើរការពាររូបកាយ និង វិញ្ញាណដ៏បរិសុទ្ធរបស់នាង បានបង្កជាសោដនាកម្មជាច្រើនក្នុងភូមិសីមា ព្រោះមិនត្រឹមតែត្រូវតតាំងនឹងមនុស្សលោកចិត្តលោភលន់ តែសូម្បីពពួកអសុរកាយក៏តាមយាយីនាងមិនឈប់។ ក្នុងពេលដែលជីវិតរបស់នាងជួបបញ្ហាមិនចេះអស់មិនចេះហើយ បុរសម្នាក់ដែលនាងតែងតែចង់គេចឆ្ងាយពីគេ បែរជាក្លាយទៅជាមនុស្សតែម្នាក់ដែលនៅក្បែរ និង សង្គ្រោះនាងគ្រប់ពេល។

គួរឱ្យដឹងផងដែរថា ប្រលោមលោករឿង «កុមុទ» ចេញលក់នៅថ្ងៃទី ​២៨ ​ខែឧសភា  ឆ្នាំ  ២០២០ ហើយ នៅហាង ស្រឡាញ់សៀវភៅទាំងពីរសាខា ដោយសាខាទី១​: នៅលេីផ្លូវ​ ៤៣០​ ទួលទំពូង​២​ ទល់មុខ​Ptt និងសាខាទី២​: នៅលេីផ្លូវ​១៣២​ ខាងក្រោយ​ Pizza Company សន្ធរម៉ុក​ ដោយមួយក្បាលមានតម្លៃត្រឹមតែ ៣០០០០ រៀលតែប៉ុណ្ណោះ។

ដោយអាចសាកសួរតាមរយៈគណនីហ្វេសប៊ុកផេក  ស្រលាញ់សៀវភៅ - #slanhseavphov ឬទំនាក់ទំនងតាមរយៈ លេខទូរស័ព្ទ 023 21 71 91 ៕

អត្ថបទដោយ៖ ក្នុងស្រុក