ចង់ឱ្យផ្ទៃមុខស្រស់ស្អាត ​វាមិនមែនជាងាយស្រួលឡើយ ​ដោយអ្នកខ្លះប្រឹងចំណាយលុយជាច្រើនលើផលិតផលថែរក្សាសម្រស់អស់ទាំងថវិកា​ តែបែរជាមិនទទួលបានផលទៅវិញ  ពោលអស់ទាំងលុយ ​អស់ទាំងពេលវេលា ​ហើយផលិតផលគីមីខ្លះថែមទាំងប៉ះពាល់ដល់សុខភាពស្បែកទៀត។

ថ្ងៃនេះផងដែរ  យើងខ្ញុំសូមណែនាំវិធីថែរក្សាសម្រស់ដោយប្រើគ្រឿងផ្សំងាយៗក្នុងផ្ទះ ​ដោយប្រើគ្រឿងគោល២មុខប៉ុណ្ណោះ ​គឺផ្លែចេក ​និងតាសក់ ដូចខាងក្រោម ៖

#គ្រឿងផ្សំ

-ចេក ១ផ្លែ

-ត្រសក់  ១ផ្លែ

-ស្លឹកជីរអង្កាម  ២ ​ទោ ​៣សន្លឹក

# វិធីធ្វើ និងអនុវត្ត៖  យកគ្រឿងផ្សំទាំងអស់នេះ  ចិតជាដុំតូចៗ ​រួចយកក្រឡុកលាយចូលគ្នាឱ្យហ្មត់ ​រក្សាទុកក្នុងក្រឡ ​ឬដបល្មម។ ​ដយបប្រើប្រាស់លាបទៅលើផ្ទៃមុខឱ្យបានរយៈពេល ​១០នាទី ​សឹមលាងមុខចេញនឹងទឹកស្អាត។ ​អាចអនុវត្ត ២ ​ទៅ៣ដងក្នុងមួយសប្តាហ៍។

គុណប្រយោជន៍៖

-ជួយរក្សាសំណើម និងការពារស្បែកស្ងួត ​ថែមទាំងព្យាបាលការរបកស្បែកមុខខ

-វីតាមីនចម្រុះដូចជាវីតាមីន ​E  និងវីតាមីន ​C  ​ក្នុងផ្លែចេក ​ជួយឱ្យស្បែកទន់ ​ភ្លឺ ​រលោង និងមានសភាពស្រស់ស្អាត

-សារធាតុពិសេសនៅក្នុងផ្លែតាសក់  ​ជួយឱ្យស្បែកតឹងណែន ម៉ដ្ឋខែ បំបាត់ការយារធ្លាក់ និងរន្ធញើសរីកធំ ​ ​ថែមទាំងការពាររលាកស្បែក

-ប្រឆាំងការរលាក ​ក្រហម ​រមាស់ស្បែកមុខ ​បំបាត់បញ្ហាមុខមុន ស្នាមជាំ ខ្មៅមុខ និងស្នាមខ្មៅក្រោមភ្នែក

-កម្ចាត់មេរោគ និងបាក់តេរីលើស្បែកមុខ  ប្រឆាំង និងព្យាបាលបញ្ហាការកើតមុនគ្រប់ប្រភេទ ពិសេសគឺជួយកាត់បន្ដយបញ្ហាស្លាកស្នាមលើផ្ទៃមុខ

-ផ្ទូកសារធាតុ និងវីតាមីនពិសេសៗជំនួយស្បែកមុខ អាចការពារការកើតស្នាមជ្រីវជ្រួញផ្សេង ​និងបញ្ហាស្បែកជាច្រើនមុខ៕