ផ្ទុះករណីចាប់ រំលោភ នៅផ្ទះសំណាក់! តែការពិតទៅខាងស្រីប្រកាន់ប្រុសប្រកែកសោះ ព្រោះម្តាយតាមទាន់តាមរយៈ GPS
កាលពីម្សិលមិញនេះផ្ទុះការភ្ញាក់ផ្អើលពេញផ្ទះសំណាក់មួយកន្លែងនៅម្តុំបឹងកក់ ក្រោយបុរសម្នាក់ត្រូវបានគេប្តឹងពីបទជាប់ចោទរំ លោភ នៅក្នុងផ្ទះសំណាក់ ហើយករណីនេះធ្វើឱ្យផ្ទុះចម្ងល់ពេញបណ្តាញសង្គមថា ហេតុម់េចទៅជាករណី រំលោភ នៅឯផ្ទះសំណាក់ទៅវិញបើមិនមែនជាការព្រមព្រៀងគ្នា។
តែថ្ងៃនេះតាមការបង្ហើបពីសមត្ថកិច្ចបានឱ្យដឹងថា ការពិតទៅជាករណីណាត់គ្នាទុកជាមុនទេ តែត្រូវម្តាយខាងស្រីតាមទាន់ទើបប្តឹងពីករណីរំ លោភ សេព សន្ថវៈ តែម្តងទៅ ។
ហេតុការណ៍មួយនេះបានកើតឡើងនាព្រឹក ថ្ងៃទី០៤ ខែមិថុនា ឆ្នាំ២០២០ នៅចំណុចផ្ទះសំណាក់ម៉ូតូ ស្ថិតនៅផ្លូវលេខ២៨៥ សងា្កត់បឹងកក់១ ខណ្ឌទួលគោក ។ដោយបុរសជាប់ចោទជាជាងកាត់សក់ម្នាក់ មានឈ្មោះ អ៊ុក តុលា អាយុ៣១ឆាំ្ន ស្នាក់នៅផ្ទះជួល ក្រុម៥ ភូមិចុងខ្សាច់ សងា្កត់ទួលសងែ្ក១ ខណ្ឌឬស្សីកែវ រាជធានីភ្នំពេញ ។ ចំណែកយុវតីជាសិស្សសាលា មានអាយុ១៧ឆាំ្ន ស្នាក់នៅភូមិជាមួយគ្នា ។
ដែលការពិតទៅជនជាប់ចោទ និងជនរងគ្រោះដែលជាសិស្សសាលាមិនទាន់គ្រប់អាយុ មានទំនាក់ទំនងជាមួយគ្នាតាមហ្វេសប៊ុក ហើយក៏ណាត់គ្នាផឹកស៊ីស្រវឹង រួចនាំគ្នាទៅរួម ភេទ ក្នុងផ្ទះសំណាក់បានសម្រេច ។ បុរសជាជាងកាត់សក់ បានប្រកែកហើយឱ្យដឹងថា មិនបានបង្ខិតបង្ខំចាប់ រំលោ ភ នាងទេ គឺពួកគេបានស្រឡាញ់គ្នា ហើយនាំគ្នាទៅដេកផ្ទះសំណាក់ ដោយពួកគេទាំង២នាក់ បានស្រឡាញ់គ្នា រយៈពេលប្រមាណ១ខែមកហើយ តាមមរយៈហ្វេសប៊ុក ។ ហើយនៅយប់នោះ បន្ទាប់ពីផឹក ខ្លួនក៏បានប្រាប់ថា ជូនទៅផ្ទះ តែនាងមិនទៅ ថាទៅក្រៅ ក៏បាននាំគ្នា ទៅដេកផ្ទះសំណាក់តែម្តង ។
តែបើតាមក្មេងស្រីរងគ្រោះ បានឲ្យដឹងថា នៅយប់នោះ បន្ទាប់ពីផឹកស្រវឹងនាងវង្វេងបាត់ស្មារតី ពុំបានដឹងខ្លួនថា គេដឹកចូលផ្ទះសំណាក់នោះទេ ស្រាប់តែដឹងខ្លួនឡើង ឃើញខ្លួន ប្រាណ នាងដោះអស់ខោអាវ ។
គួរឱ្យដឹងផងដែរថា ការរកឃើញបែកការណ៍ករណីនេះ ដោយសារតែម្តាយខាងស្រីរងគ្រោះបានបាត់កូន ក៏បានតាមដានតាមរយៈប្រព័ន្ធ GPS ក្នុងទូរស័ព្ទដៃ ហើយតាមរកឃើញ និងឃាត់ខ្លួនបុរសនោះប្រគល់ឲ្យនគរបាលប៉ុស្តិ៍បឹងកក់ទី១ ដើម្បីកសាងសំណុំរឿងចាត់ការតាមច្បាប់ ដោយចោទប្រកាន់បុរសនោះ រួមភេទជាមួយអនីតិជន ៕
ព័ត៌មានថ្មីៗ
