ពិតទេ ផ្ទុះបាតុកម្មមុខស្ថានទូតខ្មែរក្នុងប្រទេសថៃ ក្រោយការបាត់ខ្លួនសកម្មជនអាវក្រហមនៅប្រទេសកម្ពុជា? (មានវីដេអូ)
នាថ្ងៃទី ០៨ ខែមិថុនា ឆ្នាំ២០២០ ប្រមាណជាម៉ោង ២រសៀល មានសកម្មជនអាវក្រហមថៃបានផ្ទុះការតវ៉ានៅមុខស្ថានទូតខ្មែរក្នុងទីក្រុងបាងកកប្រទេសថៃ ធ្វើឱ្យមានការភ្ញាក់ផ្អើលពេញបណ្តាញសារព័ត៌មានប្រទេសថៃ។
បើយោងតាមប្រភពមិនផ្លូវការបានឱ្យដឹងថា បុរសជនជាតិថៃម្នាក់ ដែលជាសកម្មជននយោបាយខាងភាគីអាវក្រហម ត្រូវបានគេចាប់ជំរិតនៅក្នុងប្រទេសកម្ពុជាកាលពីពេលថ្មីៗនេះ ហើយពេលនេះត្រូវបានគេសង្ស័យថាបានស្លាប់បាត់បង់ជីវិតហើយ ។
យ៉ាងណាមិញ វាជាការលើកឡើងរបស់សារពត៌មានមួយចំនួននៅប្រទេសថៃ និងសកម្មជនថៃមួយចំនួន តែមិនទាន់មានប្រភពច្បាស់លាស់នៅឡើយទេ ពិសេសគឺមិនទាន់មានពត៌មានលំអិតអំពីការស្លាប់ និងមិនទាន់ឃើញសាកសពរបស់ជនរងគ្រោះឡើយ តែសកម្មជននយោបាយ និងក្រុមនិសិត្សថៃជឿថាបុរសរូបនេះប្រហែលជាស្លាប់ហើយ ដោយសារគេសំអាងលើករណីសកម្មជនមួយចំនួនទៀតដែលត្រូវបានគេចាប់ ហើយបាត់ខ្លួនរហូត ហើយពេលខ្លះក៏ប្រទះឃើញសាកសពនៅតាមទន្លេ៕
សូមទស្សនាវីដេអូខាងក្រោមនេះ ៖
ព័ត៌មានថ្មីៗ
