រំភើបចិត្តស្ទើរហោះ! 2NE1 គ្រោងនឹងត្រលប់មកសម្តែងជុំគ្នាម្តងទៀត ក្នុងពេលឆាប់ៗនេះ
អ្នកណាៗក៏ស្គាល់ 2NE1 ដែរ ថាជាក្រុមតារាចម្រៀងល្បីប្រចាំប្រទេសកូរ៉េខាងត្បូង មានភាពល្បីល្បាញទូទាំងប្រទេសកូរ៉េ ពិសេសបាននាំពិភពលោកឱ្យស្គាល់វិស័យ K-Pop កូរ៉េ។
យ៉ាងណាមិញ ដោយសារតែមានបញ្ហាពីម្ចាស់ផលិតកម្ម 2NE1 ត្រូវបានធ្វើទុក្ខបុកម្នេញ ថែមទាំងប្រកាសរំសាយកាលពី ៤ឆ្នាំមុន ក្រោមការសោកស្តាយពីសមីក្រុមផ្ទាល់ និងអ្នកគាំទ្រ Blackjack ដែលមានភាពមិនអស់ចិត្តជាខ្លាំងចំពោះការបំបែកដោយមិនមានភាពយុត្តិធម៌បែបនេះ។
តែអាចថាជាដំណឹងដ៏ល្អមួយ រយៈពេលប៉ុន្មានឆ្នាំ កុងត្រារបស់សមាជិក 2NE1 បានផុតជាបន្តបន្ទាប់ ហើយសមាជិកផ្សេងៗក៏មានការងាររៀងៗខ្លួនពោរពេញដោយសេរីភាព ហើយការវិលត្រលប់របស់ 2NE1 នៅតែជាក្តីស្រមៃរបស់អ្នកគាំទ្រគ្រប់គ្នា។ ហើយពិតជាភ្ញាក់ផ្អើលណាស់ ក្រោយ Minzy សមាជិកកូនពៅរបស់អតីត 2NE1 បានបង្ហើបថា 2NE1 នឹងសម្តែងរួមគ្នាឆាប់ៗនេះហើយ។
នេះបើតាមប្រភពពីផេក 2NE1 កម្ពុជា បានឱ្យដឹងថា ៖ « [ក្តៅៗ] បកប្រែ MINZY និយាយក្នុងស្ថានីយន៍វិទ្យុថ្ងៃនេះ:
MINZY: “ពួកយេីងជា 2NE1 គ្រោងនឹងជួបគ្នាឆាប់ៗនេះ ជាពិសេសចង់ ត្រលប់មកសម្តែងជាមួយគ្នាវិញ 4 នាក់ជា 2NE1, បងស្រី CL គាត់និយាយថាចង់អោយពួកយេីងជុំគ្នាឆាប់ៗមុននឹងចាស់ៗអស់ ខ្ញុំវិញគ្រោងនឹងបង្កេីតផលិតកម្មផ្ទាល់ខ្លួន ជាមួយការជួយពីលោកប៉ា សុបន្តិខ្ញុំគឺចង់បណ្តុះបណ្តាលសិស្សប្អូនជំនាន់ក្រោយ”
ព្រះអេីយ នរណាចង់អោយ 2NE1 ជុំគ្នាខ្លះ? ត្រៀមខ្លួនរួចរាល់នៅ? ❤️👑 » ។
ពិតជារំភើប និងភ្ញាក់ផ្អើល ស្ទើរទប់ចិត្តមិនបាន ដែលតារាស្រីល្បីឈ្មោះ 2NE1 អាចជួបជុំគ្នា និងឡើងសម្តែងម្តងទៀត ហើយវេលាដែលអ្នកគាំទ្ររង់ចាំក៏បានមកដល់តាមក្តីប្រាថ្នាមែន។ ទោះយ៉ាងណាការសម្តែងជាផ្លូវការមិនទាន់បង្ហើបឱ្យដឹងនោះទេ តែយើងនឹងរង់ចាំព័ត៌មានជាបន្តបន្ទាប់នូវការវិលត្រលប់ដ៏ពិសេសនេះនាពេលក្រោយ៕
ប្រភព៖ 2NE1 កម្ពុជា
ព័ត៌មានថ្មីៗ
