ផ្អើល! ប្រជាពលរដ្ឋលើកគ្នាទៅជីករ៉ែមាសនៅភ្នំមួយនៃខេត្តព្រះសីហនុ ព្រោះដុំនោះទៅមានពន្លឺផ្លេកៗ
នា ព្រឹកថ្ងៃសៅរិ៍ទី ១៣ ខែមិថុនា នេះ នៅខេត្តព្រះសីហនុ មានព័ត៌មានមួយបង្ហើបថា ប្រជាជននៅក្នុងស្រុកព្រៃនប់ ស្រាប់តែផ្អើលបន្តគ្នា នាំគ្នាទៅជីកដុំថ្មម្យ៉ាងដែលជឿថាជារ៉ែមាសមានតម្លៃ ធ្វើឱ្យកាន់តែផ្ទុះផ្អើលបន្តៗគ្នា។
តាមប្រភពពី វណ្ណា ព័ត៌មានតាកែវ បានឱ្យដឹងថា៖
«ពលរដ្ឋផ្អើលនាំគ្នាទៅជីករ៉ែមាស នៅភ្នំមួយនៃខេត្តព្រះសីហនុ
ខេត្តព្រះសីហនុ ៖ នៅរសៀល ថ្ងៃទី១២ ខែមិថុនា ឆ្នាំ២០២០ ប្រជាពលរដ្ឋជាច្រើនបានមកជីកយករ៉ែមាស នៅចំណុចជើងភ្នំមួយកន្លែង ស្ថិតក្នុងភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ។
ជុំវិញបញ្ហាខាងលើ មិនទាន់មានប្រជាពលរដ្ឋណាម្នាក់ អះអាងថាជារ៉ែមាសពិតប្រាកដនោះដែរ នេះគ្រាន់តែជាការសង្ស័យតែប៉ុណ្ណោះ ព្រោះមើលដុំនោះទៅមានពន្លឺផ្លែកៗ ក៏ពួកគាត់សន្និដ្ឋានថាជារ៉ែមាស តៗគ្នាទៅ។
គួរបញ្ជាក់ផងដែរថា ហេតុការណ៍នេះបាន ផ្អើលឆោឡោ តាំងពីព្រឹកមកម្លេះ ហើយរហូតមកដល់រសៀលនេះ ប្រជាពលរដ្ឋខ្លះក៏ទៅផ្ទះរៀងៗខ្លួន រីឯខ្លះទៀតនៅតែបន្តជីករកដ៏ដែល » ៕
ព័ត៌មានថ្មីៗ
