អស់រយៈពេលជាច្រើនខែមកហើយ ​ដែលវីរុស ​Covid-19  ថ្មីបានចូលវាយលុកក្លាយជាវីរុសឆ្លងជាសកលទូទាំងប្រទេស ​ថែមទាំងកើតមានជាច្រើករណីនៅក្នុងប្រទេសកម្ពុជាយើងផងដែរ ​តែក៏មានករណីអ្នកជាសះស្បើយជាបន្តបន្ទាប់មិនមានសភាពរាលដាលធ្ងន់ដូចប្រទេសដទៃ និងប្រទេសជិតខាងយើងឡើយ។

នេះក៏ដោយសារតែអនុសាសន៍ណែនាំរបស់ប្រមុខរដ្ឋាភិបាល និងវិធានការដ៏តឹងរ៉ឹងរបស់ក្រសួងសុខាភិបាលកម្ពុជា ​ដែលមានការអនុវត្តផែនការអនាម័យ និងការពារបានទាន់ពេលវេលា ​ទាំងការបិទកម្មវិធីជួបជុំ  បិទសាលារៀន  បិទទីកន្លែងកម្សាន្តសប្បាយនាពេលរាត្រឹ ​ដូចជាកន្លែងម៉ាស្សា ក្លឹប  ឌីក្កួ និងខារ៉ាអូខេជាដើមផងដែរនោះ។

តែថ្មីៗនេះ អាចថាជាដំណឹងល្អមួយ ក្រោយកម្ពុជាអាចទប់ស្កា់ត់ និងបង្ការការាលដាលនៃវីរុសនេះបានល្អ ​ពេលនេះ តំបន់ ផាប់ស្ត្រីត នាខេត្តសៀមរាប បានប្រកាសថា ​ទីកន្លែងសប្បាយជួបជុំមួយនេះ នឹងធ្វើការបើកដំណើរការក្នុងរយៈពេល ​២ ​៣ សប្តាហ៍ខាងមុខនេះហើយ បន្ទាប់ពីបិទដំណើរការរយៈពេលប៉ុន្មានខែ តាមការណែនាំពីក្រសួងពាក់ព័ន្ធ។ ​ចំពោះការប្រកាសនេះយើងមិនដឹងថាជាព័ត៌មានពិត ​ឬយ៉ាងណានោះទេ  ព្រោះមិនទាន់មានសេចក្តីប្រកាសចេញពីក្រសួងពាក់ព័ន្ធនៅឡើយទេ ​ដូច្នេះយើងមានតែរង់ចាំតានដានប្រភពព័ត៌មានជាផ្លូវការជឿជាក់ជាបន្តទៀតសិន។

យ៉ាងណាៗ ​កុំភ្លេចថែរក្សាអនាម័យ  និងរក្សាគម្លាតឱ្យបានល្អ ​ដើម្បីចៀសវាងការឆ្លងរាលដាលនៃវីរុសនេះជាថ្មីណា!