ខ្លាំងរបស់គេ! តស៊ូទាំងក្រុមការងារថត តស៊ូទាំងកូនកំលោះកូនក្រមុំ ដើម្បីផ្តិតរូប Pre-Wedding យ៉ាងអស្ចារ្យនៅលើភ្នំខ្នងផ្សារ!
ដូចដែលយើងបានដឹងរួចមកហើយថា ថ្មីៗនេះដំណើរកម្សាន្តផ្សងព្រេងការឡើងភ្នំ បានក្លាយទៅជាការកម្សាន្តដ៏ពេញនិយមនាពេលបច្ចុប្បន្ន ជាពិសេសគឺការឡើងទៅតំបន់ ខ្នងធំ ខ្នងផ្សារ និងតំបន់ជិតៗនះ ដែលល្បីថាមានទេសភាពស្រស់ស្អាតខ្លាំងណាស់ តែត្រូវចំណាយពេលធ្វើដំណើរទៅជិះឡាន ម៉ូតូ គោយន្ត និងថ្មើរជាងសរុបជិត ១០ម៉ោងឯណោះ។
កាន់តែភ្ញាក់ផ្អើល ថ្មីៗនេះផងដែរ គូស្នេហ៍មួយគួដែលជិតដល់វេលារៀបការ បានសម្រេចចិត្តដឹកដៃគ្នា តស៊ូឡើតទៅថតរូបអនុស្សាវរីយ៍មុនរៀបការ (Pre-Wedding) នៅលើតំបន់ទេសចរណ៍ទាំងនោះ ទាំងស្ថានភាពធ្វើដំណើរមិនជាងាយស្រួលប៉ុន្មាននោះទេ តែរូបភាពដែលថតចេញមកពិតជាស្រស់ស្អាតអស្ចារ្យគួរឱ្យរំភើបខ្លាំងមែនទែន។
គួរឱ្យដឹងផងដែរថារូបភាព Pre-Wedding នេះ បានថតផ្តិតទិដ្ឋភាពនៅ ខ្នងផ្សារ ខ្នងសំពៅ ខ្នងស្រូវ ខ្នងកាំភ្លើង វាលហាលសំពត់ មើលទៅស្រស់ស្អាតខ្លាំងមែនទែន អាចនិយាយបានថាជារូបថតមុនរៀបការ ដែលមានការតស៊ូបំផុតផងដែរ៕
សូមទស្សនារូបភាព Pre-Wedding ដ៏ពិសេសនេះដូចខាងក្រោម ៖
ព័ត៌មានថ្មីៗ
