មើលលោកបងល្អខ្លះផង! ស្គមស្គាំងថាលោកជក់ម៉ា ដុះក្បាលពោះថាលោកផឹកស៊ី ឯលោកសាច់ដុំថាលោកតារា!
មួយរយៈនេះព្រះសង្ឃខ្មែរយើង ទទួលបានការរិះគន់កាន់តែខ្លាំងពីពុទ្ធបរិស័ទ និងប្រជាជនខ្មែរ ដោយមានព្រះសង្ឃមួយចំនួនបានធ្វើខុសវិន័យសង្ឃ ហើយការរិះគន់មួយចំនួនទៀតទៅលើព្រះសង្ឃដែលតែងតែប្រើសំភារនិយម របស់ថ្លៃៗជាដើម។
យ៉ាងណាមិញ ក៏មានអ្នកគាំទ្រជាច្រើន បានចេញមុខការពារព្រះសង្ឃនៅក្នុងព្រះពុទ្ធសាសនាផងដែរ ដោយបានរៀបរាប់ថាព្រះសង្ឃ ធ្វើអ្វីក៏ដោយ គឺចាំតែខុសតែម្តង ព្រោះតែការយល់ឃើញ និងការបញ្ចេញមតិមិនពេញចិត្តពីបណ្តាញទំនាក់ទំនងសង្គមដែលកំពុងតែបើកទូលាយសព្វថ្ងៃនេះ។
ដោយតាមរយៈគណនីហ្វេសប៊ុក Chhorn Sovang បានរៀបរាប់ឱ្យដឹងថា៖
« បួសហើយស្គមពេក គេថាបែបលួចជក់ម៉ា...
បួសហើយធាត់ពេក គេថាបែបលួចបាយល្ងាចឬផឹកស្រា...
បួសហើយមានសាច់ដុំធំៗពេក គេថាដូចអ្នកកីឡាឬតារា...
ធម្មជាតិលើលោក តើមានអ្វីផ្គាប់ចិត្តមនុស្សត្រូវ? ទៅនិយាយអីតែមនុស្ស សូម្បីមេឃក៏គេទើសដែរ ក្តៅពេក គេថាក្តៅពេក ត្រជាក់ពេក គេថា ត្រជាក់ពេក ភ្លៀងពេក គេថាភ្លៀងពេក អ្នកខ្លះជេរមេឃរាល់ថ្ងៃ »៕
ព័ត៌មានថ្មីៗ
