សក់គឺជាចំណុចសំខាន់មួយដែលជួយលើកសម្រស់មនុស្សគ្រប់រូប មិនថាប្រុសឬស្រី។ សុភាពនារីតែងស្រមៃចង់បានសក់វែងក្រាស់មានសុខភាពល្អ។ ចំណែកសុភាពបុរសក៏ចង់បានសក់ និងស្បែកក្បាលមានសុខភាពល្អ មិនចង់បានក្បាលទំពែកទាំងវ័យក្មេងឡើយ។ ថ្ងៃក្រុមការងារក្នុងស្រុកនឹងលើកយករូបមន្តពិសេសមួយ ដោយរូបមន្តមួយនេះត្រូវបានអះអាងដោយអ្នកធ្លាប់សាកល្បងជាច្រើនថាវាមានប្រសិទ្ធភាពខ្ពស់ ថែមទាំងមានគ្រឿងផ្សំងាយស្រួលរកទៀតផង។

គ្រឿងផ្សំ៖

- ប្រេងដូង ៥០០ml

-ក្រូចសើចមួយផ្លែក

-ប្រទាលកន្ទុយក្រពើ ១ធៀង

-ខ្ទឹមក្រហម១មើម

-វីតាមីន E (វីតាមីនភ្នែកត្រី) x5 គ្រាប់ (ដាក់ក្រោយគេ)

របៀបធ្វើ៖

-សូមលោកអ្នកចិតសម្បកប្រទាលកន្ទុយក្រពើ និងលាងទឹកឱ្យស្អាត អស់ជាតិរំអិល រួចហាន់ជាចំណិតៗ។

-បកសម្បក ខ្ទឹមក្រហម រួចហាន់ជាចំណិតតូចៗ

-លាងក្រូចសើចឱ្យស្អាតរួចចិតជាបន្ទះៗ

-បន្ទាប់មកសូមកិនគ្រឿងផ្សំខាងបញ្ចូលគ្នាដោយប្រើមានម៉ាស៊ីនកិនគ្រឿង ឬម៉ាស៊ីនក្រឡុក

-ជំហានបន្ទាប់សូមយកគ្រឿងផ្សំដែលកិនរួច មករម្ងាស់ជាមួយប្រេងដូងដោយប្រើភ្លើងតិចៗ កូរជារឿយៗ

-រម្ងាស់រហូតដល់ចេញប្រេង ដោយសម្គាល់ថា គ្រឿងផ្សំឡើងរួញ និងមានពណ៌ក្រមៅ

-បន្ទាប់មកលោកអ្នកអាចចាក់ដាកដបទុកឱ្យត្រជាក់ និងបន្ថែមជាមួយវីតាមីន E (វីតាមីនភ្នែកត្រី) ចំនួន 5 គ្រាប់ជាការស្រេច។

វិធីប្រើ៖

សូមលាបនិងម៉ាស្សាលើស្បែកក្បាលក៏ដូចជាគោល និងចុងសក់ ហើយអប់ទុកចំនួន១០ ទៅ ១៥នាទី បន្ទាប់មកលោកអ្នកអាចកក់ជាមួយសាប៊ូ និងលាងសម្អាតជាការស្រេច។ ជាមួយប្រេងអប់សក់នេះផងដែរ លោកអ្នកអាចប្រើក្នុងមួយសប្តាហ៍ ២ ទៅ៣ដង៕