កាលពីជាង ១០ឆ្នាំមុន ពូឃ្លាំង ត្រូវមហាជនស្គាល់ថាជាតារាចម្រៀងរ៉េប និងហ៊ីហបដ៏ល្បីល្បាញខ្លាំងតាមរយៈបទចម្រៀងល្បីៗជាច្រើនបទ។ ប៉ុន្តែ បន្ទាប់ពីសាងកេរ្តិ៍ឈ្មោះល្បីមិនធម្មតា ពូឃ្លាំងហាក់ឃ្លាតឆ្ងាយជាខ្លាំងពីការងារសិល្បៈដោយរស់នៅជីវិតឯកជនដ៏មានក្តីសុខ ធ្វើឱ្យអ្នកគាំទ្រនឹករលឹកដល់រូបលោកជាខ្លាំង។

យ៉ាងណាមិញបន្ទាប់ពីការផ្ដាច់ខ្លួនចេញឆ្ងាយពីសិល្បៈចម្រៀងអស់រយៈពេលជាយូរ ស្រាប់តែកាលពីពេលថ្មីៗនេះ តារាចម្រៀងរ៉េបពូឃ្លាំង បានសាងភាពភ្ញាក់ផ្អើល ដល់ទស្សនិកជន ក៏ដូចជាមិត្តអ្នកគាំទ្រដោយការត្រឡប់មកវិញ ជាមួយនឹងបទថ្មីមានចំណងជើងថា « 3Some » ដែលទើបតែចេញ Teaser ខ្លីៗ ឯ MV ពេញនឹងចេញជាផ្លូវការនៅសប្តាហ៍ក្រោយ។

ដោយគ្រាន់តែមើលឈុតខ្លីៗ Teaser បទចម្រៀង « 3Some » ធ្វើឱ្យអ្នកគាំទ្រលាន់មាត់ថា ពូឃ្លាំង ត្រលប់មកវិញកាន់តែកាចជាមួយនឹងបទថ្មីពិរោះរណ្តំ ពិសេសមានឈុតកាចៗជាមួយតារាស្រីស៊ីចស៊ីសម្រស់មិនធម្មតាដល់ទៅ ២រូប។

ដូច្នេះចង់ដឹងថាបទចម្រៀង « 3Some » មានឈុតញាក់ៗយ៉ាងណាខ្លះសូមទស្សនាវីដេអូចម្រៀង Trailer ខាងក្រោមទាំងអស់គ្នា ៖