ចូរដាក់បាតដៃរបស់អ្នកដូចបង្ហាញក្នុងរូបភាព រួចប្រៀបធៀបថាតើខ្សែកណ្តាលរបស់បាតដៃទាំងពីរដូចរូបមួយណា ក្នុងចំណោមបាតដៃទាំង៣ខាងក្រោម ដើម្បីដឹងពីសំណាងក្នុងរឿងស្នេហារបស់អ្នក!

• បាតដៃទី១

ប្រសិនបើអ្នកមានខ្សែបាតដៃដូចរូបភាពទី១ នេះបង្ហាញថាអ្នកមិនជឿថាស្នេហាជារឿងដែលខ្វះមិនបាននៅក្នុងជីវិតឡើយ។ អ្នកនៅតែរីករាយ និងពេញចិត្តក្នុងជីវិតនៅលីវរបស់អ្នក។ ហេតុផលនេះហើយ ទើបអ្នកសុខចិត្តរង់ចាំ និងចំណាយពេលច្រើន ដើម្បីស្វែងរកមនុស្សម្នាក់ដែលសាកសម ជាជាងប្រញាប់មានស្នេហាដូចអ្នកដទៃ។

• បាតដៃទី២

ប្រសិនបើអ្នកមានបាតដៃដូចរូបភាពទី ២ នេះបង្ហាញថាអ្នកតែងតែចង់បានស្នេហា និងការស្រឡាញ់។ អ្នកចង់មានស្នេហាខ្លាំងណាស់ ហើយតែងតែចង់ស្វែងរកស្នេហាដែលស្ថិតស្ថេរយូរអង្វែង។ អ្នកនឹងផ្តល់ពេលវេលា ផ្លាស់ប្តូរចំណង់ចំណូលចិត្តដើម្បីមនុស្សម្នាក់នោះ និងប្រគល់បេះដូងឲ្យគេតែម្តង។ អ្នកចូលចិត្តធ្វើទម្លាប់ចាស់ៗ ខ្លាចការផ្លាស់ប្តូរ ជាពិសេសការផ្លាស់ប្តូរលឿនៗ ដូច្នេះស្នេហាអ្នកច្រើនតែគង់វង្ស ព្រោះអ្នកមិនងាយប្តូរចិត្តស្រឡាញ់នោះឡើយ។

• បាតដៃទី៣

ប្រសិនបើបាតដៃរបស់អ្នកដូចគ្នាទៅនឹងលេខបី នេះបង្ហាញថាអ្នកមានភាពចាស់ទុំ និងម៉តចត់។ អ្នកមានប្រាជ្ញាឈ្លាសវៃ ហើយមានផ្នត់គំនិត ក្នុងការគិតឃើញអ្វីដែលល្អៗក្នុងផ្លូវជីវិត។ ។ អ្នកមិនមានទំនោរចូលចិត្តភាពស៊ីវីល័យនោះទេ ផ្ទុយទៅវិញអ្នកគឺចូលចិត្តរស់នៅក្នុងជីវិតបែបបុរាណ។ ដូច្នេះហើយ អ្នកគឺចូលចិត្តដៃគូដែលមានវ័យចំណាស់ ឬ ជាមនុស្សចាស់ទុំ ដែលមានអាកប្បកិរិយាច្បាស់លាស់ និងមិនលេងសើចច្រើន៕

ប្រភព ៖ បរទេស