នៅក្នុងប្រវត្តិសាស្ត្រនៃសកម្មភាពឧក្រិដ្ឋកម្មរបស់ក្រុមជួញដូរគ្រឿងញៀនដែលមានឈ្មោះលេចធ្លោជាងគេនោះគឺលោក Pablo Escobar ដែលជាមនុស្សល្បីល្បាញខាងជួញដូរគ្រឿងញៀនជាលក្ខណ:ទ្រង់ទ្រាយធំ។ មេក្រុមឧក្រិដ្ឋកម្មរូបនេះទទួលបានងារជាច្រើននៅក្នុងសម័យកាលរបស់គាត់ដែលអ្នកខ្លះស្គាល់គាត់ថាជា "ស្តេចកូកាអ៊ីន" ។ គេបានរុករកឃើញថាគាត់មានទ្រព្យសម្បត្តិសុទ្ធចំនួន ៣០ពាន់លានដុល្លារ (៥៦ ពាន់លានដុល្លារសព្វថ្ងៃ) រួមជាមួយវិមានធំៗជាច្រើនលានដុល្លារនៅជុំវិញពិភពលោក។

គាត់មានផ្ទះសំខាន់មួយនៅ Medellín ប្រទេសកូឡុំប៊ីហើយវាជាតំបន់ដែលគាត់បានធំធាត់ឡើង តែបន្ទាប់ពីគាត់ត្រូវបានបាញ់សំលាប់ដោយប៉ូលីសកូឡុំប៊ីក្នុងឆ្នាំ ១៩៩៣ ដោយសារការរត់ពន្ធគ្រឿងញៀនយ៉ាងអាណាធិបតេយ្យ ហើយវិមានដែលមានតម្លៃ 10លាន$ដ៏ធំធេងនេះបានក្លាយទៅជាប្រាសាទបាក់បែកដែលត្រូវបានគេបោះបង់ចោល ។

តែទោះបីជាយ៉ាងនេះក៏ដោយវាបានធ្វើអោយមនុស្សជាច្រើននៅតែចង់មកថតរូបនិងមកទស្សនាអចលនៈទ្រព្យនេះដដែល ក៏ព្រោះតែវាមានសភាពធំ រួមជាមួយម៉ូតដ៏ស្រស់ស្អាតនិងទេសភាពដែលអស្ចារ្យបំផុត។ ហើយអ្វីដែលគួរអោយភ្ញាក់ផ្អើលនោះគឺ មានមនុស្សទៅរៀបមង្គលការនៅវិមានដែលបាក់បែកមួយនេះថែមទៀតផង៕

ប្រភព៖ បរទេស